Uppat ti nadangran iti napasamak a panagdinnungpar dagiti dua a motorsiklo idiay bypass road sakupen ti Barangay Oaig-Daya, siudad ti Candon.
Ti nagmaneho ti black-grey Honda Click 125 motorcycle ket agtawen ti duapulo ket dua, private employee, awan ti driver’s license na, back-rider na ti agatwen ti sangapulo ket siam ken maysa a menor de edad nga agpapada a residente ti nadakamat a barangay.
Ti met nagmaneho ti maysa pay nga Honda Click 125 motorcycle ket agtawen ti duapulo ket pito, saleslady ken residente ti Barangay Allangigan 1st, Candon City.
Segun ti witness iti insidente, ti black-gray Click ket nagsikko iti dalan a naggapu iti daya a direksion bayat nga agturong iti abagatan ti maysa a Click, ket idi magteng da ti nakapasamakan ti insidente, nagdinnungpar dagiti dua a motorsiklo iti southbound lane.
Agpapada a nadunor dagiti nagkakalubbon iti black-gray click ken ti drayber ti maysa a click a dagus a naipan iti balay pagagasan para ti naan-anay a pannakataming-da.
