Mannarimaanen ti pannaka-proseso kadagiti kasapulan a dokumento iti pannakaipila ti kaso kontra iti suspek iti napasamak a pannagbat idiay Barangay Quinarayan, ili ti Narvacan.
Ti biktima ket agtawen ti innem a pulo ket maysa, mannalon ken residente ti nadakamat a barangay.
Ti met suspek ket agtawen ti tallopulo ket walo, naasawaan ken residente ti nadakamat nga ili.
Iti pannakiuman ti Bombo Radyo Vigan ken ni PCPT. Jumar Castro, nagi-inom ti biktima ken suspek ket adda rimsua a saan da a nagkinnaawatan.
Pimmanaw ti suspek iti pagin-inoman da a naglugan iti motorsiklo-na ket kalpasan ti sumagmamano a minutos ket nagsubli daytoy ket dita a mapapati a pinatit ti biktima ti suspek ti pool stick.
Gapu dayta, innala ti suspek ti buneng iti motorsiklo-na ket dita a tinagbat na ti naminsan a daras ti biktima a nakadunoran iti ulo ken ima-na
Dagus a naipan ti biktima iti balay pagagasan para ti naan-anay a pannakatamingna ket iti agdama ket addan iti natalged a kasasaad.
Dagus a nag-surrender ti suspek kadagiti otoridad kalpasan ti insidente.
