Namnamaen ti Department of Health (DOH) ti panagadu ti pasyente kadagiti pampubliko nga ospital, kasaruno ti panangipakaammo ni Presidente Ferdinand R. Marcos, Jr. iti maika-uppat a State of the Nations Address (SONA) a libren ti basic accommodation para kadagiti pasyente a ma-admit kadagiti ospital ti DOH.
Segun ken ni DOH Secretary Ted Herbosa, kas pangarigan a mapunno dagiti bed capacity dagiti pampubliko nga ospital, makiddaw dagiti pribado nga ospital tapno maipaay ti sangapulo a porsiento kadagiti kamada a kapada ti basic accommodation dagiti ospital ti gobierno, idinto a ti panagbayad kadagiti pribado nga ospital ket sungbatan ti Philippine Health Insurance Corporation wenno PhilHealth.
Adda dagiti kaso a kasapulan pay ti pasyente nga agbayad uray adda ti zero balance billing, kas kadagiti government-owned and controlled corporation (GOCC) hospitals.
Agtultuloy ti programa ti ahensia gapu ta regular a masursuro ti PhilHealth packages ken pinalawa ti sakopda, ngem kasapulan laeng ti ad-adu a pondo tapno mapagtalinaed ti nasao a programa.
