Nagpanawagan da Mamamayang Liberal Party-list Rep. Leila De Lima ken Akbayan Rep. Perci Cendaña para iti pannakaisayangkat ti independent investigation maipanggep iti panagiggem iti Senado iti sitwasyon ni Sen. Bato dela Rosa.
Ti kangrunaan a papaimbestigaran da De Lima ken Cendaña iti pannakaipan ken ni Dela Rosa iti protective custody iti Senado, kellaat a panaglibasna ken ti riribuk iti Senado idi May 13 a nakadenggan iti nagsasaruno a putok iti paltog.
Pakaladingitan da De Lima ken Cendaña a kinaluban ti Senado ni Dela Rosa iti baet iti panagbalinna a wanted iti International Criminal Court (ICC) gapu iti kaso a crimes against humanity a napasamak iti salinong iti maipatpatungpal a war on drugs iti Duterte Administration.
Segun ken ni De Lima, saan a mabalin nga internal wenno saan a mabalin a Senado mismo iti agimbestigar.
Impaganetget met ni Cendaña a nakababain iti Senado ta nadadaelen iti kredibilidadna kalpasan nga inmandato dagiti kampo ni Duterte iti panangted ti salaknib iti maysa a pugante.
