Impasigurado ti Department of Health ti panagsagana ken panagalerto ti ahensia kalpasan nga indeklara ti World Health Organization ti international health emergency kalpasan a nagraira ti Ebola kadagiti nadumaduma a paset ti Africa.
Maipalagip nga indeklara ti Public Health Emergency of International Concern mainaig iti Bundibugyo strain ti Ebola virus, kasaruno ti pannakatay dagiti nasurok 80 a tao idiay Democratic Republic of Congo (DRC).
Inlawlawag ti DOH nga uray adda Ebola outbreak idiay Africa, dagiti immuna nga insidente iti Pilipinas ket nakairamanan ti Reston strain, a saan a mangitunda iti sakit iti tao.
Agtultuloy ti panangbantay ken pannakikammayetda iti WHO tapno malapdan ti panagwaras ti virus, ken panangted iti husto nga impormasion iti publiko mainaig iti nasao a sakit.
