Saan a mapagpatpatangan idiay Malakanyang ti posibilidad a masukatan iti puesto ni Department of the Interior and Local Government Secretary Jonvic Remulla.
Dayta ti pinasingkedan ni Palace Press Officer Atty. Claire Castro iti baet dagiti panawagan a maikkaten ni Remulla gapu kadagiti palpak a waragawagna ken panangisukatna ken ni dati a Senador Antonio Trillanes III wenno pannakaisubli ni DILG Secretary Benhur Abalos.
Segun ken ni Castro, nakitana a nagpatang da Remulla ken ni Presidente Ferdinand Marcos Jr iti naudi a taripnong idiay Malakanyang ken iti personal a paniriganna ket saanna a nakitaan ti Presidente a naawanan talek daytoy iti opisial.
Saan met a nagkomento ni Castro iti saludsod no kontento pay laeng ti Presidente iti trabaho ken performance ni Secretary Remulla.
