--Ads--
Nagbalaag ti Department of Health a napateg nga awan ti bao iti aglawlaw aglalo ta daytoy ti agiwarwaras ti sakit nga Hantavirus Pulmonary Syndrome (HPS) kadagiti tattao.
Masapul a pagtalinaeden a nadalus ti aglawlaw ken bagi tapno maliklikan ti panagwaras ti sakit.
Basar iti panagadal, agwaras ti sakit gapu iti isbo, rugit, ken katay dagiti bao a kadawyan nga adda iti narugit a lugar.
Iti agdama, awan pay ti kumpirmado a kaso ti Hantavirus Pulmonary Syndrome iti pagilian isu nga agingga nababa ti peggad iti panagwaras-na ket napateg a pagtalinaeden ti kinadalus.
-- ADVERTISEMENT --
Impasigurado met ti ahensia a nakasagana dagiti airport ken pantalan iti border screening ti DOH-Bureau of Quarantine.
