--Ads--
Nagpalagip ti Department of Health iti publiko a napateg a mapagtalinaed a nadalus latta ti aglawlaw ken ti bagi tapno maliklikan dagiti sakit.
Segun iti DOH, napateg nga awan ti ania man a bao iti aglawlaw nangruna ta daytoy ti pagtaudan ti sakit a Hantavirus Pulmonary Syndrome iti tao.
Maibasar iti panagadal, agwaras daytoy iti isbo, ibleng, katay ti bao a masansan nga adda kadagiti narugit a lugar.
Ti Hantavirus Pulmonary Syndrome ket maysa a nakaro a sakit a mabalin a pakatayan no saan a masigudan.
-- ADVERTISEMENT --
Iti agdama, awan pay ti kumpirmado a kaso ti HPS iti pagilian isu a bayat a nababa ti risgo ti panagwarasna, napateg a mapagtalinaed ti kinadalus.
