Nagpanawagan dagiti sumagmamano a personnel ken empleyado manipud kadagiti pampubliko nga ospital iti Ilocos Region, Cagayan Valley, ken Cordillera para iti imbestigasion mainaig ti maipagarup nga irregularidad iti appointments, infrastructure projects, ken procurement activities iti sumagmamano nga ospital iti Northern Luzon.
Maipagarup nga adda mapaspasamak a “network of influence” iti uneg ti Department of Health (DOH) a maka-apekto iti panagpili ti sumagmamano nga opisial ken iti implementasion dagiti proyekto kadagiti regional hospital.
Segun kadagiti complainant, karaman kadagiti isyu a kayat da a maimbestigaran ti proseso ti pannakadutok dagiti officer-in-charge ken medical chief dagiti ospital, kasta payen ti procurement ken infrastructure activities a maisaysayangkat kadagiti pasilidad.
Karaman kadagiti nadakamat a reklamo ti sumagmamano a proyekto ken procurement activities ti Ilocos Regional Medical Center at Baguio General Hospital and Medical Center (BGHMC) a masapul a ma-audit ken masukisok dagiti maseknan nga ahensia.
