Suportaran ti Philippine National Police (PNP) iti nainget a pannakaipatungpal dagiti linteg ken regulasyon tapno malabanan ti ilegal a panagilako iti vape iti pagilian.
Segun ken ni PNP Chief Gen. Jose Melencio Nartatez Jr., binilinan dagiti police unit iti intero a pagilian a paingeten ti intelligence monitoring tapno mabigbig dagiti indibidual ken grupo nga adda iti likodan iti illegal nga operasyon.
Maipalagip nga immunan nga impakaammo ti Department of Health (DOH) iti panagpangato ti bilang dagiti agtutubo nga agparparikot iti bara gapu iti panagaramat ti vape products ken nagpanawagan iti naing-inget a linteg pakairamanan ti posible a panangiparit iti amin a vape products.
Suportaran pay ti PNP iti panangpapigsa ti legal grounds para iti pagsayaatan iti publiko ken impaganetget iti ahensya a napateg iti panagtitinnulong iti agduduma nga ahensya iti gobierno tapno matignayan iti parikot.
Nagpanawagan ni Nartatez iti publiko a tumulong iti panag-report kadagiti aglablabsing iti linteg ken impaganetgetna a napateg iti pannakipaset ti komunidad tapno malapdan ti panagilako iti illegal a vape products.
