Indiaya ti National Bureau of Investigation (NBI) ti P50,000 a gungguna para kadagiti makaited ti aniaman nga impormasyon iti ayan ti agnagan nga Alice Leal Guo a taga-Quezon City.
Iti rekord ti NBI Clearance ket makita a dua a babai nga agnagan ti Alice Leal Guo a ti maysa ket manipod Bamban, Tarlac idinto a ti maysa ket manipod Quezon City.
Insaludsod ni NBI Director Jaime Santiago nu adda nangbilin kenkuana tapno maallilaw ti imbestigasyon dagiti otoridad ta nangala ti nasao a babai ti NBI Clearance babaen ti nagan nga Alice Leal Guo a ti birthday-na ket July 12, 1986 ken ti nakayanakanna ket idiay Tarlac.
Awan pay laeng ti makaammo nu ania ti adda ti nagbaetan dagiti dua nga Alice Leal Guo ngem atapen ni Senador Risa Hontiveros a ti Bamban Mayor ket tinakawna ti kinatao ni Alice Leal Guo manipod Quezon City.
Naduktalan pay ti NBI a ti Bamban official ken maysa a Chinese passport holder a ni Guo Hua Ping ket maymaysa laeng a tao ta agpadada ti fingerprints.
VIDEO – NBI DIRECTOR JAIME SANTIAGO
