--Ads--
Maysa a drayber ti nadunor iti panagdinnungpar ti pickup ken motorsiklo iti national highway ti Barangay Quinarayan, Narvacan, Ilocos Sur.
Ti pickup ket minaneho ti lalaki nga agtawen iti innem a pulo ket maysa, taga-Barangay Tahud, Inopacan, Leyte.
Ti met motorsiklo ket minaneho ti lalaki nga agtawen iti duapulo ket pito, taga-Sulvec, Narvacan.
Agpapa-amianan ti pickup idin ta agsikko iti kannigid ket nagdinnungparda ti motorsiklo nga adda iti bangir a linya.
-- ADVERTISEMENT --
Nadunor ti nadumaduma a paset ti bagi ti drayber ti motorsiklo ket naipaagas iti ospital para iti naa-anay a pannakatamingna.
Saan met a naan-ano ti drayber ti pickup ken dagiti inluganna.
