--Ads--
Impaganetget ti Criminal Investigation and Detection Group nga ipatungpalda ti posible a warrant of arrest kontra ken ni Senador Jinggoy Estrada, uray pay no naipasidong iti protective custody ti Senado.
Segun ken ni CIDG Director Maj. Gen. Robert Morico II, surotenda ti pammilin ti korte.
Inlawlawag ni Morico a saan a mabalin a kemmegen ti CIDG ni Estrada para kadagiti kaso nga adda pannusana a pannakaibalud a saan a lumabes iti 6 a tawen.
Maipalagip a nangiruar ti Sandiganbayan Second Division iti warrant of arrest kontra ken ni Estrada mainaig iti kaso a graft iti mapapati a panangawat iti kickbacks kadagiti flood control project.
-- ADVERTISEMENT --
Dagus met a nagpiansa iti gatad a P90,000 ti senador ken pinaglibakanna dagiti pammabasul.
