Limapulo ket pito a pamilia iti naibakwit kadagiti evacuation center iti probinsia gapu iti epekto dagiti bagyo ken habagat.
Iti pannaki-uman ti Bombo Radyo Vigan ken ni Rhon Arquelada a Provincial Disaster Risk Reduction and Management Council Officer, dagiti nagbakwit a pamilia ket kadagiti lugar a nakaru a naapektaran ti pagtaenganda, lalayosen a lugar ken maibilang a low-lying areas.
Segun ken ni Arquelada, dagus nga imbilin ni Governor Jerry Singson iti panangmonitor iti sitwasyon nangruna kadagiti kasapulan a ma-evacuate isu a tinurongda ket apaman a naibakwit dagiti apektado nga umili ket impaayda iti hot meals ken kasapulan a relief items ken hygiene kits.
2,049 a pamilia wenno 6,238 individuals iti naapektaran ti bagyo Dante ken Emong kasta payen ti habagat iti probinsia nangruna iti siudad ti Candon, ili ti Narvacan, Sta. Maria ken Santiago.
Nalayos pay iti sumagmamano a paset ti kalsada iti siudad ti Candon pakairamanan idiay San Jose, San Agustin ken San Juan.
Impaganetget ni Arquelada a saan laeng koma a mangnamnama lattan dagiti umili iti panagduprak ti bagyo ta masapul a tulongan ti bagi babaen ti panagsagana iti aniaman a posible a mapasamak ken panagalibtak tapno saan a maisagmak.
Kiddawna iti panagtitinnulong iti amin tapno agtalinaed ti kinatalged ti tumunggal maysa nu adda didigra.
