Uppat a tattao iti nadunor iti aksidente a nakairamanan iti nakamotorsiklo ken naka-tricycle iti national highway idiay Barangay Margaay, Narvacan, Ilocos Sur idi kalman, May 29, 2026.
Ti nagmaneho iti orange Yamaha Mio Soul i125 motorcycle ket lalaki nga agtawen iti duapulo, awanan iti trabaho, awanan ti driver’s license nga agnaed idiay Barangay Dinalaoan, Narvacan.
Ti nagmaneho met iti Honda TMX 125 tricycle ket lalaki nga agtawen iti duapulo ket dua, awanan trabaho, awanan ti driver’s license nga agnaed idiay Barangay Orence, Narvacan; kaduana ti maysa a babai nga agtawen iti tallopulo ket uppat a service crew; ken 3 months old nga agpada nga agnaed idiay Barangay Sulvec, Narvacan.
Sakbay iti insidente ket agpapaamianan ti tricycle idin nadanonda iti nasao a lugar kangrunaan iti intersection iti asideg iti Church of Jesus Christ of Latter-day Saints ket kellaat a dimteng ti nakamotorsiklo manipod daya a direksyon iti Barangay Abuor Road a gappuanan iti panagdinnungparda.
Gapu dayta ket nagasgasan iti agduduma a paset ti bagi ti naglugan iti tricycle ken nadunor ken nagasgasan iti ulo iti driver idinto a ti nagmaneho iti motorsiklo ket nagsagaba iti gasgas ken hematoma iti ulona.
