Manarimaan iti panagpalaing ti driver ti motorsiklo kalpasan a naaksidente iti Barangay Road idiay Parioc 1st, Candon City, Ilocos Sur idi rabii, May 15, 2026.
Ti nagmaneho iti Suzuki Raider 150 motorcycle ket agtawen iti duapulo, addaan ti driver’s license nga agnaed idiay Barangay Ayudante, Candon City.
Iti pannaki-uman ti Bombo Radyo Vigan ken ni PLt. Jovelyn Antalan iti Candon City Police Station, sundoen koma ti driver iti motorsiklo ti nobyana iti nasao a lugar idin naawanan ti kontrol ti manibelana ket naidungpar iti kongkreto a poste iti laud a paset iti kalsada.
Segun ken ni Antalan, nadunor iti ulo ken na-fracture iti akin-kannigid a saka ti driver ket iti pannaka-ospitalna naammoan nga adda nagbalay-dara iti ulona isu a manarimaan iti pannaka-obserbarna.
Naammoan a naka-inom iti arak ti drayber idi napasamak iti aksidente.
