Target iti gobierno a makaiwaras iti 1,552 Patient Transport Vehicles iti tunggal local government unit iti intero a pagilian tapno masigurado nga adda manamnama a pagluganan dagiti pasyente a maipan iti ospital.
Segun ken ni President Ferdinand Marcos Jr. 567 a Patient Transport Vehicles iti naiwarasen iti gobierno ita a tawen idinto a 985 pay laeng ti target a maiwaras sakbay a maleppas iti tawen.
Apaman a malpas iti panagwaras ket addanton iti 1,493 LGUs iti intero a pagilian iti bukodda nga ambulansya a ti dadduma ket naipaayan iti dua a unit.
Ti programa ket paset ti medical transport vehicle donation program iti Philippine Charity Sweepstakes Office (PCSO) a gagem a mapapigsa ti access iti tunggal Pilipino iti dekalidad a serbisyo iti medical kangrunaan kadagiti adayo a lugar ken agkurang iti pasilidadna.
