Nadunor dagiti tallo a tattao gapu iti panagdinnungpar iti dua a motorsiklo idiay San Isidro, Candon City, Ilocos Sur idi rabii, April 27, 2026.
Dagiti karaman ket ti nagmaneho ti Yamaha Sniper ken kinalubbonna kasta payen ti nagmaneho iti Yamaha Mio 125.
Iti pannaki-uman ti Bombo Radyo Vigan ken ni PLt. Jovelyn Antalan, agturong iti bagatan a direksyon ti Sniper idinto a ti Mio ket agpapaamianan a direksyon.
Segun ken ni Antalan, apaman a nadanonda iti nasao a lugar ket nagsikko ti sniper a mapan iti Barangay Road ngem isu metten iti panagdinnungparda iti Mio.
Gapu dayta ket agpapada a nadunor dagiti tallo isu a naipanda iti ospital para iti pannakatamingda.
Naammoan a dagus a nakaruar iti ospital dagiti nagkalugan iti sniper ta nagsakit laeng ti bagbagi ti driver idinto a ti kinalubbonna ket nagasgasan iti akin-kannigid a sakana.
Agtaltalinaed met iti ospital ti driver ti Mio ta mayur-uray ti resulta iti CT-Scan na.
