Naipan iti ospital ti contractor a ni Pacifico “Curlee” Discaya II tapno dumalan iti operasyon iti abagana.
Segun ken ni Senate Secretary Mark Llandro “Dong” Mendoza, inarpubaran ni Senate Blue Ribbon Committee Chairman Panfilo Lacson ti kiddaw ti kampo ni Discaya.
Posible nga agpaut iti uppat agingga pito nga aldaw ni Discaya iti ospital.
Kas proseso ket nakaposas ti ima ni Discaya idi nairuar iti Senado.
Siguradoen ti Senate Secretary a nainget a bantayan ti Senate Security ni Discaya bayat nga agpapaagas.
Nainget iti panangbisita ken ni Discaya ta mabalin laeng a turongen iti alas otso iti bigat agingga alas singko iti malem.
Maipalagip a manipod September 2025 ket nakabalud idiay Senado ti kontraktor kalpasan a na-cite in contempt iti Senate Blue Ribbon Committee iti panagdanggeg gapu iti anomalia iti flood control projects.
