VIGAN CITY – Maisayangkat ti nadumaduma nga aktibidad para ti panagselebrar ti International Day Against Drug Abuse and Illicit Trafficking.
Iti pannaki-uman ti Bombo Radyo Vigan ken ni Investigation Agent V Noreen Bautista a Provincial Head iti Philippine Drug Enforcement Agency, gagem ti aktibidad a magun-od iti pannakapukaw ti drug abuse iti intero a lubong.
Segun ken ni Bautista, immunan a naisayangkat ti advance celebration idi June 4 ken 5 iti siudad ti Vigan, ita nga aldaw (June 23) ti lecture kadagiti Sangguniang Kabataan iti ili ti Sta. Catalina, Tree Planting iti ili ti Caoayan inton June 25, lecture idiay Sinait ken Magsingal inton June 26 ken sarumwen ti zumba idiay Plaza Burgos, tree planting iti siudad ti Vigan inton June 27 ken Zumba idiay San Ildefonso inton June 28.
Ti addang ket tapno maipaganetget kadagiti agtutubo babaen kadagiti sangguniang kabataan nu ania ti madi nga epekto ti panagaramat ti illegal drugs tapno liklikanda ken makasursuro iti nasayaat nga aramid.
VIDEO – IAV NOREEN BAUTISTA
