Nakumpiskar dagiti otoridad ti P77.78 million a gatad iti illegal a droga ken nakemmeg iti walopulo ket lima a suspek iti nationwide operations a naisayangkat manipod May 14 agingga 21 kas pinasingkedan ti Philippine Drug Enforcement Agency (PDEA).
Segun ken ni PDEA Director General Isagani Nerez, insayangkat ti ahensya ti pitopulo ket walo nga operasyon iti pagilian bayat iti nasao nga aldaw.
Ti nasao nga accomplishment report ket maysa a testimonya iti saan nga agsarday a commitment, dedikasyon ken kinatured dagiti operatiba.
Naala kadagiti operasyon iti 9,596.85 a gramo iti dried marijuana leaves, 41,520 a fully grown marijuana plants, ken 12,120 a marijuana seedlings a mapapati a maiwaras iti multiple drug networks iti intero a pagilian.
Kadagiti nakemmeg ket limapulo ket walo iti nabigbig a drug pusher, 11 iti possesors ken lima kas alleged drug den operators.
