Nagkaykaysa a nagpanawagan dagiti sangapulo ket maysa a miembro ti minority bloc ken ni Senate President Alan Peter Cayetano nga agikkaten iti puestona kas lider iti Senado kasaruno iti panangboycotda manen iti session iti Senado.
Segun ti minority group, nalawag iti inaramid ti majority group a panang-abandona, panangbaybay-a iti akem ken panangiyaleng-aleng kadagiti pagannurotan iti Senado.
Kinuna ti grupo a ti napasamak ket panangilaksid iti pagannurotan iti institusyon ta saan a naaramid iti Senado tapno laeng isardeng iti trabaho no saan a kayat a mangidaulo ti presiding officer.
Iti salinong ti Rule VIX, Sec. 41 iti Rules of the Senate, ti Senate Presidente ket mabalin a mangitantan iti sesyon kalpasan a nakasaritana ti majority leader ken minority leader.
Innayon ti grupo a masapul laeng nga agikkaten kas Senate President ni Cayetano ta impakitana a saan a makatrabaho pay kas lider iti Senado.
