
--Ads--
Naituding inton Disyembre 1 ti pannakaituloy ti impeachment trial ni Vice President Sara Duterte kalpasan ti panangisanud ti Senate impeachment court kadagiti panagdengngeg koma inton Nobyembre 26 ken 27.
Kasaruno daytoy ti kiddaw ti lead defense counsel a ni Atty. Sheila Sison ta saan nga available dagiti testigo ti depensa kadagiti nasao a petsa.
Segun ken ni Senate President ken presiding officer Francis Escudero, agtultuloy dagiti panagdengngeg manipud Disyembre 1 agingga 4, Disyembre 7 ken Disyembre 15 agingga 17, no kasapulan.
Kabayatanna, target ti Senado a malpas sakbay ti Paskua ti impeachment trial ken deliberasyon iti 2027 national budget.
-- ADVERTISEMENT --










