
Dead on arrival ti maysa a lalaki kalpasan a mapaltu-paltugan idiay Barangay Pong-ol, iti siudad ti Vogan.
Ti biktima ket agtawen iti tallopulo ket lima, online seller, residente ti Barangay Cuancabal, Cabugao, Ilocos Sur, idinto a ti suspek ket maysa a mannalon, agtawen iti tallopulo ket lima, tubo ti Sta Teresita. Cagayan ngem agdama nga agnanaed idiay Barangay Don Lorenzo Querubin, Caoayan.
Ti met witness ket agtawen iti uppat a pulo ket dua, residente ti Barangay Pong-ol, Vigan City, nobia ti biktima, ken dati a live-in partner ti suspek.
Segun iti witness, adda-dan ti biktima iti kuwarto ti pagtaengan tapno aginana kuman idin ta puwersa a simrek ti suspek ken nagturong iti kuwarto ket dituy a pinaltu-paltuganna ti biktima.
Nagsagaba ti biktima ti pito a tama iti bala ti paltog iti nadumaduma a paset ti bagi na a naitaray iti balay pagagasan ngem naideklarar a dead on arrival.
Mapapati a caliber. 38 ti naaramat a paltog iti insidente idinto a naglibas ti suspek kalpasan ti pammaltog.




