
Siam ti natay ken di kumurang a 28 ti nadangran kalpasan ti nasurok a 10 nga oras a panangraut ti Russia babaen ti missile ken drone idiay Ukraine.
Nasurok nga 400 a drone ken 110 a missiles ti inusar ti Russia, agraman ti 27 a ballistic missiles, a nangdungpar kadagiti rangtay, pasilidad ti kuryente ken pasdek a pagnanaedan.
Segun ken ni Presidente Volodymyr Zelenskyy ti Ukraine, karaman kadagiti puntiria dagiti pasilidad a mang suplay iti kuryente kadagiti planta ti nuclear plant. Kinondenar na pay ti pannakausar dagiti cluster warhead ken agsasaruno a panangraut a nanglapped kadagiti rescue operations.
Kinondenar ti NATO ti panangraut bayat nga inawagan ni Zelenskyy dagiti kaalyado a mang papartak iti pannaka ipakat dagiti air defense systems ken missiles tapno masalakniban ti Ukraine manipud kadagiti masangoanan a panangraut.










