
--Ads--
Saan a nagtuloy ti plano a panagkita da US President Donald Trump ken North Korean leader Kim Jong Un kabayatan ti panagbisita ti Presidente iti Asia gapu iti kaadu dagiti naituding a panagkitana.
Segun ken ni Trump, agtalinaed da ken Kim iti nasayaat a termino ken namnamaen na nga adda pay laeng gundaway da nga agkita iti masakbayan.
Namitlo a nagkita dagiti dua a lider bayat ti umuna a termino ni Trump kas presidente ti Estados Unidos tapno pagsaritaanda ti nuklear a programa ti North Korea, ngem awan ti nagun-od a konkreto a katulagan.
Iti laksid dagiti sansion ti United Nations, agtultuloy a mangbangon ti North Korea iti nuklear nga arsenal na ken ipapilit na a saan nga agbaliw ti kasasaad na kas estado nga addaan iti nuclear nga armas.
-- ADVERTISEMENT --










