Kinumpirmaran ni Senador-Judge Kiko Pangilinan a kayat ni Sen. Rodante Marcoleta ti makipaset iti impeachment trial kontra ken ni Vice President Sara Duterte.
Segun kenni Pangilinan, naipatuloden ni Marcoleta ti pormal a kiddaw iti Senate President ken ti Presiding Officer tapno palubosanda a makipaset iti proceedings.
Nadakamat daytoy kalpasan ti panangilawlawag ni Sen. Erwin Tulfo maipapan iti 16-vote threshold a kasapulan tapno ma convict ti maysa nga impeachable official.
Kinuna ni Pangilinan a mabalin met a gundaway ti impeachment court a mangdiskusion ken mangikeddeng no mabalin a makipaset dagiti senador nga adda iti pagbaludan kadagiti aktibidad ti Senado.
Iti agdama, nakabalud ni Marcoleta iti New Quezon City Jail Male Dormitory ken sumangsango iti kaso a plunder, maysa a non-bailable offense.
Nagtaud ti kaso iti nasurok P75 million a saan a naideklara a donasion iti kampania nga inusar na idi agkandidato iti 2025 elections.
