Naiwayat ti search warrant operation kontra ti street level individual idiay Sinait, Ilocos Sur idi kalman, May 18, 2026.
Iti pannaki-uman ti Bombo Radyo Vigan ken ni PCapt. Bryan Lopez iti Sinait Municipal Police Station, ti panagsukisok dagiti otoridad iti pagtaengan ti suspek ket naalada iti tallo a plastic sachet a naglaon iti shabu.
Segun ken ni Lopez, nabayag a sinipsipotan dagiti otoridad ti tignay iti suspek sakbay iti pannakaiserbi ti search warrant kontra kenkuana.
Naammoan pay nga adda dati a rekordna kadagiti otoridad ngem saan a maipanggep iti illegal a droga.
Kinuna ni Lopez a sakbay pay a nadanonda iti pagtaengan ti suspek ket immunan a nakitada daytoy a gappuanan iti insigida a pannakaibasa ti search warrant a nairuar kontra kenkuana ket naipakaawat iti pannakasukimat iti pagtaenganna.
Kabayatanna, nagyaman ni Lopez kadagiti umili iti nasao nga ili a mangmangted iti impormasyon maipanggep iti madi nga aktibidad kadagiti kalugaranda tapno maleppasen iti saan a nasayaat nga aramidda.
