Na-damage iti sangwanan a paset ti maysa a truck ta natukbobna ti sarsarunwenna a trailer truck iti national highway idiay Barangay San Nicolas, San Esteban, Ilocos Sur itay alas sais trentay singko iti rabii, March 3, 2025.
Ti nagmaneho iti white Howo Trailer Truck ket ni Roel Palola Andrada, agtawen iti limapulo ket tallo, naasawaan, truck driver, addaan ti driver’s license nga agnaed idiay Barangay 249 Labit Proper, Urdaneta City, Pangasinan idinto a ti nagmaneho ti Isuzu Giga truck ket ni Samuel Dasalla Sola, agtawen iti limapulo ket walo, naasawaan, addaan ti driver’s license nga agnaed idiay Barangay 48-A Cabungaan, Laoag City, Ilocos Norte.
Maibasar iti CCTV footage, agpada nga agpapaamianan a direksyon dagiti dua a lugan a ti akin-sango ket ti trailer truck, idin nagmenor iti panagpataray ti trailer truck isu a kellaat a nagpreno ti truck ngem natukbobna latta ti trailer truck.
Agpada a na-damage dagiti dua a lugan ngem saan pay nga ammo nu mano ti gatad dagiti nadadael a paset.
Nupay kasta ket awan ti naireport a nadunor iti nasao nga aksidente.
