Pimmusayen ni Jason Collins iti tawenna nga uppat a pulo ket pito kalpasan iti pannakilabanna iti brain cancer kas pinasingkedan ti pamiliana.
Segun ti pamilia ni Collins, napalaus iti panagladingitda ket kinunada nga inspirasyon ni Jason iti kaddoan ken nangipaay iti positibo a panagbaliw iti biag iti sabali a tao.
Idi Setyembre ket imbingay ni Collins nga agpapaagas iti brain tumor ken napaspas a dimmakkel ti glioblastoma multiforme a maysa nga agresibo a klase iti brain cancer.
Nagpaagas, dimmalan ti radiation ken chemotherapy ken nagturong pay idiay Singapore para iti kabaroanan a panagagas ni Jason.
Iti tulong ti asawana a ni Brunson Green, pamilia ken gagayyemna ket nakasubli idiay Amerika kalpasan a nagpaagas ken nakadar-ay pay iti NBA All-Star Weekend idiay Los Angeles.
Nagretiro ni Collins idi 2014 kalpasan iti sangapulo ket tallo a tawen iti NBA.
Nagay-ayam isuna para iti Brooklyn Nets, Memphis Grizzlies, Minnesota Timberwolves, Atlanta Hawks, ken Boston Celtics.
