Nainaganan ti Ilocos Sur, Quezon City ken ili ti Caluya idiay Antique a topnotcher babaen ti Commission on Audit (COA) iti listaan dagiti local government units (LGUs) nga addaan ti nangato a gatad ti revenues-na idi 2024.
Segun ti COA, dagiti top 10 provinces ken corresponding revenues ket iti Ilocos Sur nga addaan iti P9.72 billion; Bulacan nga P8.81 billion; Cebu a P7.76 billion; Pangasinan a P7.72 billion; Rizal a P7.54 billion; Cavite a P7.30 billion; Isabela a P6.93 billion; Quezon a P6.27 billion; Negros Occidental a P5.96 billion ken Laguna a P5.89 billion.
Dagiti met top 10 cities ket iti Quezon City a P31.43 billion; makati a P21.87 billion; Manila a P21.83 billion; Taguig a P20.56 billion; Davao a P17.56 billion; Pasig a P17 billion; Parañaque a P10.63 billion; Pasay a P9.50 billion; Cebu a P9.22 billion; ken Caloocan nga P8.69 bilion.
Dagiti top 10 municipalities ket iti Caluya, Antique a P2.75 billion; Cainta, Rizal a P2.08 billion; Taytay, Rizal a 1.70 billion; Mariveles, Bataan a P1.62 billion ; Silang Cavite a P1.59 billion; Magsingal, Ilocos Sur a P1.50 billion; Rodriguez, Rizal a P1.45 billion; Cabugao, Ilocos Sur a P1.45 billion; Marilao, Bulacan a P1.36 billion; ken Balaoan, La Union a P1.30 billion.
Kinuna pay ti COA a manipod iti total operative revenues, nakolekta dagiti siudad ti kangatoan a gatad a P461.70 billion wenno 40.97 percent, sarunwen dagiti ili a P396.56 billion wenno 35.19 percent, ken probinsia a P268.65 billion wenno 23.84 percent.
