Innaganan ni Department of Public Works and Highways (DPWH) Engineer John Carlo Rivera iti panagdenggeg iti Sandiganbayan iti kaso a malversation da dati a Senador Bong Revilla ken dadduma pay nga akusado dagiti contractor a mangmangted ti commitment wenno cash in advance tapno masigurado a mapan kadakuada dagiti proyekto iti flood control idiay Pandi, Bulacan manipod 2022 agingga 2025.
Karaman iti listaan ni Rivera ket ti JB construction, Triple A construction, Top notch, Lourdes construction, IM construction ken dadduma pay a saanen a malagip pay ni Rivera ta dagiti nadakamat a contractors laeng dagiti kanayon a mapatulodan ti kuarta nga umabot iti P10 million agpangato.
Kabayatanna, karaman met dagiti nainaganan a proponents ni Rivera ket da dati ga agpampanday linteg a ni Zaldy Co, dati a DPWH Usec. Roberto Bernardo, dati nga agpampanday linteg a ni Mitch Cahayon ken Ferdstar builders Contractors.
No pay kasta ket pinasingkedan ni Rivera iti Korte a saanna nga ammo no maipapan ken ni Revilla ti nasao a kuarta ta awan met iti maawa-watna a resibo wenno aniaman a pammaneknek maipanggep ti nasaoa banag.
Maipalagip a ni Rivera iti tumaktakder nga agas-asikaso ni Alcantara kadagiti listaan, panagkolekta kadagiti kontraktor, panagawat ti kuarta, ken panangipan iti opisina ni Alcantara kasukat iti binulan a P10 million.
