Nangipila ti not-guilty plea da dati a DPWH Bulacan engineer Brice Hernandez ken innem pay nga indibidwal ti graft case mainaig ti maipagarup a ghost flood control project idiay Balagtas, Bulacan nga aggatad ti P77 milyon.
Nangiserrek ni Hernandez ti plea iti Sandiganbayan Fifth Division kaduana da Jaypee Mendoza, Arjay Domasig, Niño Lawrence Morales, Juanito Mendoza, Floralyn Simbulan, ken Christina Mae Pineda.
Kabayatanna, tallo pay a pada da nga akuysado ti saan a na-arraign gapu ta agtaltalinaed nga at-large pakairamanan da dati nga Ako Bicol Rep. Zaldy Co ken staff na a da John Paul Estrada ken Mark Tecsay.
Maipalagip a segun iti Ombudsman ket narugyan ti proyekto idi Pebrero 2025 ken maibagbaga a malpas idi Mayo 20256 ngem naammuan nga awan ti aktwal a proyekto idi na-inspeksion ti lugar.
