Nakitaripnong ni Bulacan Gov. Daniel R. Fernando ken ni Department of Public Works and Highways (DPWH) Secretary Vince Dizon tapno trataren ti nakaru a panaglayus iti probinsia.
Dimmar-ay iti taripnong dagiti provincial ken local government officials idiay Balagtas Hall ti Hiyas ng Bulacan Convention Center a nagpaut iti innem nga oras.
Inlanad ni Fernando dagiti makaigapu ken epekto ti panaglayus iti Bulacan ken kiniddaw na ken ni Dizon ti dagus a konkreto addang tapno marisut ti problema.
Nangipaay met ni Dizon ti short-, medium- ken long-term nga addang kontra iti doble-doble a panaglayus iti lugar, pakairamanan ti dredging ken panagdalus kadagiti pagayusan ti danum, panangikabil ti modular barriers kadagiti abot iti rivel walls ken panagaramat ti mobile pumps kadagiti nadadael a floodgate ken pumping station.
Pinasingkedan ni Fernando a nakasagana a makibinnulig ti gobierno probinsia iti DPWH tapno masigurado a maikkan ti dagus a tignay dagiti problema iti lugar.
