Umabot iti uppat nga estudyante ti Sta. Maria National High School idiay Barangay Bagbaguin, Santa Maria, Bulacan ti natay gapu iti leptospirosis.
Segun iti pagadalan, agpapada a menor de edad dagiti natay gapu iti nadakamat a sakit.
Segun iti statement ti Sta. Maria National High School–Supreme Secondary Learner Government, nagsasaruno a pimmusay dagiti estudyante iti agduduma nga aldaw manipud Setyembre 1 agingga 15, kalpasan ti nakaru a panaglayus iti lugar.
Nakipagladingit ti buo a komunidad ti pagadalan kadagiti pamilia ken mangay-ayat dagiti natay nga ubbing.
Ballaag dagiti otoridad a liklikan nga aglangoy iti layus aglalo no adda posibilidad na a kontaminado daytoy ti isbo ti bao, gapu ta dituy ti pagtaudan ken pakaalaan ti leptospirosis.
