Babai, nakemmeg iti buy-bust operation idiay Cabugao

Naala iti nasurok-kumurang maysa a gramo iti mapapati a shabu iti maysa a babai iti ili ti Cabugao, Ilocos Sur iti naisayangkat a buy-bust operation.

Ti suspek ket agtawen iti tallopulo ket innem, awanan iti trabaho nga agnaed idiay Magsingal.

Naala kenkuana iti nasurok-kumurang maysa a gramo iti mapapati a shabu nga aggatad iti P6,800 a naipan iti heat-sealed plastic sachets a nagserbi a buy-bust item ken possession.

Kasta pay a naala ti non-drug evidence a maysa a piraso iti genuine P1,000 a nagserbi a buy-bust money, maysa a pares iti ear pods, maysa a cellphone ken maysa a Yamaha Mio I 125 motorcycle.