Dua iti nadunor iti panagdinnungpar ti MPV ken ambulansya iti national highway idiay Barangay Guimod, Bantay, Ilocos Sur itay ala una baente singko iti malem, June 1, 2026.
Ti nagmaneho ti Toyota Innova ket lalaki nga agtawen iti limapulo ket dua, naasawaan; kaduana ti maysa a lalaki nga agtawen iti limapulo, naasawaan nga agpada nga agnaed idiay Barangay Sapriana, Sinait.
Ti met nagmaneho iti Toyota Hi-Ace Ambulane ket lalaki nga agtawen iti limapulo ket innem, naasawaan nga agnaed idiay Barangay 15 Baligat, Batac City, Ilocos Norte.
Agpapa-amianan a direksyon ti MPV idinto a ti Toyota Hi-Ace Ambulance ket agturong iti bagatan a direksyon.
Pinadas ti ambulansya a nag-overtake iti maysa pay a lugan a gappuanan iti panagturongna iti linya iti MPV, ket uray impadas ti MPV a liklikan ti ambulansya ket napasamak latta iti panagdinnungparda.
Gapu dayta ket nadunor ti driver ti MPV ken agalen ti pasaherona iti nasakit a barukongna isu a naipanda iti Northside Doctors Hospital para iti pannakatamingda idinto a saan a naan-ano ti driver iti ambulansya.
