Pimmusay ti maysa a lakay a nagbisikleta kalpasan a madungpar ti ambulansia idiay along diversion road Barangay Arnap, San Ildefonso, Ilocos Sur.
Ti nagbisikleta ket agtawen iti pitopulo ket maysa, residente ti Barangay Iboy, iti nadakamat nga ili.
Ti met ambulansia ket minaneho ti agtawen iti limapulo ket uppat, residente ti Barangay Baliw Laud, ili ti Sta. Maria.
Sakbay ti insidente, agpapa-amianan ti nagbisikleta ket idi madanon na ti intersection, ti bisikleta ket kellaat a bimmallasiw iti kalsada rason ti pannakadungpar ti ambulansia nga agpa-abagatan a direksion.
Gapu dayta, naawanan ti puot ti lakay ket dagus a naipan iti balay pagagasan ngem pimmusay bayat a matamtaming.
Saan met a naan-ano ti nagmaneho ti ambulansia iti napasamak nga insidente.
