--Ads--
Prioridad dagiti healthcare workers, partikular dagiti dermatologist, ti umawat kadagiti umuna a doses ti mpox vaccine, segun ti Department of Health (DOH).
Inlawlawag ni DOH Assistant Secretary Albert Domingo, dagiti frontliners nga umuna a mangkita kadagiti pasiente nga addaan iti skin condition ti mabalin a makaakar, isu a nasken a maipangpangruna dagiti dermatologist iti panangawatda iti mpox vaccine inton sumangpet ditoy Pilipinas.
Immunan a kinuna ni Health Secretary Ted Herbosa nga adda iti proseso ti panagala ti Pilipinas iti 2,000 doses ti mpox vaccines a maidiaya iti pagilian.
