Nagpalagip ti Department of Health (DOH) iti publiko nga agannad kontra iti chronic kidney disease (CKD) wenno sakit iti bato kalpasan a rimmuar iti listaan a mapatta-patta a 36% a Pilipino wenno maysa tunggal tallo nga indibidual iti apektado.
Segun ti DOH, ti CKD ket maysa a kondisyon nga in-inut a kumapkapsot iti panaggaraw dagiti bato nga agresulta iti narigat a pannakaikkat ti rugit ken napalaus a danum iti bagi.
Kinuna ti ahensya a mabalin a matamaan iti siasinoman ngem nangatngato iti peggad kadagiti adda diabete s-na, altapresyon, obesity, family history iti sakit iti bato ken dagiti agsigsigarilyo ken umin-inom iti arak.
Umaboten iti nasurok-kumurang P27 billion ti ginastos iti PhilHealth para iti nasurok dua a million a dialysis claims iti umuna nga innem a bulan idi laeng 2025.
