Pagan-annaden ti Department of Health (DOH) iti publiko maipanggep iti madi nga apekto ti ashfall iti salun-at iti tao.
Dayta ket kalpasan a nagpuswak iti napuskol nga asok iti Bulkang Mayon idiay Albay kalpasan ti Pyroclastic Density Current event a makaapektar iti adu a barangay iti probinsia.
Segun ti Department of Health, ti kasamayan a pangsalaknib ket ti panagaramat ti safety goggles, panagsuot iti N95 face mask, long sleeves ken pantalon a masarraan ti kudil.
Kabayatanna, pinasingkedan ti Philippine Coast Guard a nakaalerto ti Deployable Response Group iti Coast Guard District Bicol gapu iti aktibidad ti bulkan Mayon.
Nasurok 124 a kameng iti agduduma a unit iti nakabantay tapno mangisayangkat iti insigida a panagtignay pakairamanan iti panagbakwit ken humanitarian assistance kadagiti apektado a komunidad.
