Makitinnulong ti Department of Migrant Workers (DMW) ken Department of Foreign Affairs (DFA) iti Kuwaiti authorities tapno imbestigaran ti pannakatay ti Filipino domestic worker a ni Dafnie Nacalaban.
Nakipagladingit met ni Migrant Workers Secretary Hans Leo Cacdac iti pamilya ni Nacalaban, maysa nga overseas Filipino worker (OFW) nga agtartrabaho kas household service worker idiay Kuwait sipud pay idi December 2019.
Ngem idi October 2024, nai-report a mapukpukaw ni Nacalban ti maikadua nga employer na, ken natakuatan laeng ti bangkayna iti residence ti Kuwaiti individual, dua a bulan ti napalabas kalpasn a nagreport ti employer na.
Gapu dayta, inallukoy ni Senador Win Gatchalian iti DMW ken DFA a papigsaenda dagiti protection mechanisms para kadagiti OFW ken bisitaen dagiti agdama a bilateral labor agreements kadagiti pagilian a nalaka a maapektaran dagiti migrant workers.
Kinumpirmaran ti DMW a tultulongan da ti pamilya ni Nacalaban, pakairamanan ti pannakaiyawid ti bangkay na ditoy Pilipinas.
Segun ken ni Cacdac, maituloy ti proseso ti repatriation apaman a malpas dagiti otoridad ti Kuwaiti ti imbestigasyon da.
