Nagyaman ti Department of Migrant Workers (DMW) iti Netherlands iti tulong ken koordinasyon para iti kinatalged dagiti Filipino crew iti MV Hondius a naapektaran iti hantavirus scare.
Segun ken ni DMW Secretary Hans Leo Cacdac, agyamanda iti natibker a koordinasyon iti Dutch government ta ita a panawen a nakaru nga agkasapulan dagiti tripulante ket addada a nakasuportar.
Kinuna ni Cacdac a binisitana dagiti Filipino seafarer a naka-quarantine idiay Netherlands kasaruno ti bilin ni Pres. Ferdinand Marcos Jr. tapno papigsaen ti labor diplomacy para kadagiti OFWs.
Segun ti DMW, manipod tallopulo ket walo a Filipino crew iti MV Hondius, duapulo ket maysa iti naka-quarantin ken mamonmonitor idiay Amsterdam, idinto a ti dadduma ket na-test ken na-quarantine apaman a simmangpet idiay Rotterdam idi May 18.
Amin a crew ket nag-negatibo iti hantavirus ken awan iti sintomasda.
