--Ads--
Kinumpirma ti Department of Migrant Workers a pito kadagiti tripulante a Pilipino ti container ship a dimmalan iti Strait of Hormuz ti nadunor kalpasan a natamaan ti drone attack.
Segun ken ni DMW Secretary Hans Leo Cacdac, uppat kadagiti Pilipino a seafarer ti nagsagaba ti minor injuries idinto a ti tallo ket agtultuloy a maob-obserbaran gapu iti seryoso a dunor.
Pinasingkedan ni Cacdac a karaman kadagiti nadunor a crew ti container ship a San Antonio, maysa a Maltese-flagged vessel.
Dagus a naiyakar manipud iti barko dagiti Pilipino a tripulante ken agdama a maag-agasan iti ospital babaen iti tulong dagiti opisial ti Embahada ken labor attaches ti Pilipinas iti abroad.
-- ADVERTISEMENT --
