Imbasura ti Korte Suprema ti petisyon da Senator Ronald “Bato” dela Rosa nga agkidkiddaw ti Temporary Restraining Order (TRO) para iti pagilian ti pannakaipatungpal ti arrest warrant manipod International Criminal Court (ICC).
Siam a hukom iti pimmabor, lima iti kimmontra ken maysa iti nag-abstain.
Segun ti korte, napaay dagiti petisyoner a paneknekan iti karbenganda pata iti insigida a pannakairuar ti TRO.
Malaksid dayta ket pinagkedkedan ti korte ti panangiruar ti status quo ante order kontra kadagiti respondent pakairamanan ti Department of Interior and Local Government, Department of Foreign Affairs, Department of Justice, Philippine National Police, National Bureau of Investigation, Bureau of Immigration, Armed Forces of the Philippines, ken ti Criminal Investigation and Detection Group.
Kabayatanna, inlawlawag ti korte suprema a nagdesisyonda laeng iti kiddaw para iti interim relief ken ti kangrunaan nga isyu nga indanon dagiti partido iti pleadings-da ken mosyon ket saan pay laeng a nasolbar.
