Naiyakaren iti Bulacan Provincial Jail ti kontrobersial a contractor a ni Pacifico “Curlee” Discaya kalpasan ti nasurok siam a pannakaipasidong na iti kustodiya ti Senado gapu iti kaso a graft ken malversation of public funds through falsification of public documents.
Ni Discaya ken sangapulo pay nga indibidwal, pakairamanan ti sumagmamano nga opisial ti DPWH Bulacan First District Engineering Office ket sumangsango iti kaso nga adda pakainaiganna iti iregularidad iti flood control project idiay Calumpit, Bulacan.
Indauloan ni Interior Secretary Jonvic Remulla ti pannaka-iyakar ni Discaya manipud iti senado a naipan idiay Bulacan.
Pinasingkedan ti abogado ni Discaya a ni Atty. Cornelio Samaniego nga agkiddaw da ti piyansa gapu ta saan a maipagarup a natibker ti ebidensia ti prosekusyon.
