Nakalasat ni Bangsamoro Autonomous Region in Muslim Mindanao (BARMM) Chief Minister Abdulraof Macacua kalpasan a na-ambush ti convoy-na sadiay Barangay Bitu, Datu Odin Sinsuat, Maguindanao del Norte idi alas 4:45 itay malem.
Segun kadagiti otoridad, pinaputokan dagiti saan a nabigbig nga armado a suspek iti convoy ti Chief Minister bayat ti panaglabasda iti nadakamat a lugar.
Iti laksid ti panangraut, nakumpirmaran a nasayaat ken natalged ti kasasaad ni Macacua.
Agtultuloy itan ti imbestigasion dagiti pulis tapno maammuan ti kinasiasino dagiti armado a lallaki iti likudan ti ambush, kasta met ti pudno a motibo iti panangraut.
Agtultuloy iti isaysayangkat a hot pursuit operations dagiti otoridad kalpasan iti nasao nga ambush.
Pinasingkedan ti PNP a saanda pay a maibaga wenno maikonektar ti insidente iti politika wenno banag a mainaig iti rehion. Kloefe Jayna Dayag
