Inallukoy ti Catholic Bishops’ Conference of the Philippines dagiti baro a nabotosan a lider ti Bangsamoro nga imatonan ti rehion para iti pagsayaatan ti amin ken aywanan ti dignidad, karbengan ken wayawaya ti relihion ti amin.
Karaman kadagiti dinakamat ti CBCP dagiti Muslim, Kristiyano, Indigenous Peoples ken dadduma pay a komunidad iti Bangsamoro Autonomous Region in Muslim Mindanao (BARMM).
Kasaruno daytoy ti umuna a parliamentary elections iti rehion idi Setyembre 14, a dagiti obispo ket kinablaawanda dagiti botante ken kandidata ken inkararaganda dagiti nabotosan.
Inallukoy pay ti CBCP dagiti religious leader ken komunidad a paunegen ti dayalogo, panagtitinnulong ken panagtutulag tapno magun-od ti nainkalintegan ken napaot a kappia iti Bangsamoro.
