Ibilang ti Malakanyang a nakappia ken nasayaat ti pannakaisayangkat ti kaunaan a parliamentary elections iti Bangsamoro Autonomous Region in Muslim Mindanao.
Daytoy ket iti naet dagiti sumagmamano nga insidente ti kinaranggas a nagresulta ti pannakatay dagiti lima nga indibidwal ken pannakadunor pay ti saan a bumaba iti sangapulo a tattao.
Dinakamat ni Presidential Communications Office Undersecretary ken Palace Press Officer Claire Castro, ti initial assessments manipud iti Philippine National Police (PNP) ken Commission on Elections (Comelec) kasaruno ti first parliamentary elections iti rehiyon.
Kasta pay a dinakamat ni Castro ti assessment a nairekord ti Comelec no sadino adda nangato a voter turnount, rason tapno maiproklama dagiti nangabakk kalpasan ti eleksion.
Nupay kasta, saan a naragsakan ni Presidente Ferdinand Marcos Jr dagiti naipadamag a kinaranggas a nagresulta ti pannakatay ken pannakadunor dagiti tattao.
