Nabotosan ni Abdulraof “Sammy Gambar” Macacua kas opisial a Chief Minister ti Bangsamoro Autonomous Region in Muslim Mindanao wenno BARMM kalpasan a nakagun-od iti 51 a botos iti eleksion parliamento idi Biernes, Oktubre 30, 2026.
Inabak ti Macacua ni dati nga interim Chief Minister Ahod “Al Haj Murad” Ebrahim a nakagun-od laeng iti 27 a botos manipud iti 80 a kameng ti Parliamento ti Bangsamoro.
Daytoy nga eleksion ket agpatingga ti pito a tawen a transition governance ken mangaramid ti panagbalbaliw ti BARMM manipud iti interim authority agingga iti regular ken demokratiko a nabotosan a gobierno babaen ti Bangsamoro Organic Law.
Timmabuno dagiti opisial ti gobierno nasional, gobernador, peace advocates ken gang gannaet a diplomatiko iti inagurasion, bayat nga impatungpal dagiti pulis ken militar ti nainget a seguridad iti Cotabato City para iti nasao nga okasion.
Kabayatanna, imbilin ni Presidente Ferdinand Marcos Jr. dagiti baro a nabotosan a miembro ti parliament BARMM a pagtalinaeden ti panagkaykaysa, statesmanship ken kooperasyon tapno maipasdek ti nakappia ken nadur-as a BARMM.
Mensahe daytoy ti presidente iti 1st session ng BARMM Parliament idiay Cotabato City.
Segun ti presidente, maibilang a maysa a balligi ti panangitandudo ti kaunaan a parliamentary elections ken dakkel a karit ita ti panangpataray ti epektibo a parliamentary government.
